Llunáticos de Tejedor n'Asturies.com TV

La sección de videu d'esti diariu ufiertate dende güei'l primer videu musical del grupu de folk asturianu Tejedor. El cantar del videu ye ún de los temes del qu'hasta esti momentu l'últimu discu del grupu, y entitúlase igual que'l cd, Llunáticos.

El videu lleva la firma del director avilesín Gonzalo Tapia, director de dellos cortos y del llargumetraxe "Lena". Nél los protagonistes principales son los propios "Tejedor", una pareya de malabaristes y los paisaxes del oriente asturianu, Llanes, Cangues d'Onís, Caravia o Ponga son dalgunos de los sitios que podemos ver mientres sentimos esti "Llunáticos".