Llibru nuevu de l'Academia de la Llingua

"Llingua y Lliteratura nes aules" que fai el númberu 18 de la colección "Estaya pedagóxica" recueye les actes del X Alcuentru llingua minoritaria y educación, que se celebró n'Uviéu el mes de marzu del 2004. El llingüista de la Universidá de Montpellier Henry Doyer, con "Llingües minoritaries, conflictos llingüísticos y polítiques llingüístiques educatives Mª. Lluz Pontón cola ponencia "Los conteníos de Llingua Asturiana: ente la tradición y l'anovación" Vicente García Oliva que fala de "Lliteratura infantil y xuvenil y educación: delles reflexones dende la práutica" Evaristo Ovide, que dedicó la so ponencia al Emplegu de les nueves tecnoloxíes na enseñanza del asturianu, Marta Mori, cola comunicación "Tratamientu metodolóxicu de la llingua oral na Educación Secundaria" y el catalán Antonio Mendoza, cola Importancia de los materiales lliterarios nel deprendizax d'una llingua minoritaria o David Lasagabaster, de la Euskal Herriko Unibersitatea que fala de "Deprendizax de la llingua minoritaria y la estranxera: ¿dos compañía, tres multitú?" son dellos de los conteníos d'esta obra que s'empobina a un públicu formáu por profesionales de la educación y estudiantes universitarios de maxisteriu mayormente.