L.lena convoca la tercera edición del Vital Aza

El Conceyu de L.lena ta acabante de presentar la convocatoria del III Certame de Teatru Popular Asturianu Vital Aza, una iniciativa cola que se pretende promocionar la llingua asturiana y recuperar esti xéneru lliterariu. 1.200 euros esperen pol ganador d'esti certame nel que puen participar toles persones interesaes con obres de temática llibre, escrites n'asturianu, pudiendo tratáse de monólogos, diálogos escénicos, cuadros de costumes asturianes, comedia o zarzuela. Les bases manden que l'argumentu de la obra recueya les tradiciones de la vida nel campu asturianu, anque tamién puen tener tresfondu urbanu. En cualquier casu, el plazu de presentación de trabayos remata'l 13 de setiembre

Montserrat Garnacho ye la última ganadora d'esti concursu que pretende enanchar el corpus d'obres lliteraries n'asturianu y da-yos salida a autores mozos con poca obra asoleyada. Los trabayos, inéditos, han unviase a la Casa de Cultura l.leniza, na plaza Alfonso X El Sabio, de La Pola L.lena (CP 33630).

Más información nesta web