Llegó'l primer divorciu n'asturianu

L'abogáu de Xixón Santiago León Escobedo consiguió qu'el xuez Ángel Luis Campo Izquierdo, del tribunal de familia de Xixón, almitiere a trámite una demanda de divorciu presentada n'asturianu. Lo mesmo l'escritu de demanda que'l conveniu regulador d'esta separación matrimonial, a la que se llegó por alcuerdu de les dos partes, redactáronse dafechu n'asturianu, anque los documentos n'asturianu vinieron acompañaos de les sos respectives traducciones al castellanu, que ye obligatorio facer, pero de cualquier manera l'abogáu, que contó cola asistencia de la Casa de la llingua de Xixón pa facer les traducciones, afaló a los sos compañeros a meter pel rexistru más documentos n'asturianu hasta qu'ello se convierta nuna costume.