Llega'l turnu de 'La neña de les trences al revés' nel IV Festival Nel Amaro

|
'La neña de les trences al revés' d'El Callejón del Gato

El Callejón del Gato defende'l vienres esta obra basada nel cuentu d'Iris Díaz Trancho.

Ana Eva Guerra y Moisés González ponen n'escena la historia 'La neña de les trences al revés', la segunda finalista del IV Premiu y Festival Nel Amaro de Teatru Profesional en Llingua Asturiana o Gallego-asturiano. Ésta va de dos guaḥes, Thana y Deva, que viven lloñe una d’otra: una en Malí y otra n'Asturies.

Dambes nun son mui distintes, dalgo que comprueben una nueche cuando la Iluna, como un espeyu máxicu, permite-yos conocese y falar. La representación d'esti cuentu va tener llugar mañana a les 20 hores nel uvieín Teatru Filarmónica.

La entrada ye llibre, pero ye necesario acutar butaca na web municipal d'Uviéu. Pal restu de representaciones van tar a disposición del públicu'l llunes anterior a cada función al meudía.

Contador Estadistiques