Llega la Mecigaya

Baxo'l títulu de Mecigaya estrenamos güei una sección nueva dientro d'Asturies.com. Ensin una periodicidá fixa y sin tener tampoco una llinia temática marcada, Mecigaya quier ser un poco l'estoyu de coses curioses que vayan llegando a la nuestra redacción: Videos, "fakes", cuentos, webs, links, curiosidaes, concursos o xuegos. Mecigaya quier ser el sitiu onde guardar eses ayalgues qu'atopamos nel nuesu navegar diariu, esos "documentos inclasificables", el llugar onde asoleyar eses obres d'arte dixitales que poseemos nosotros y vosotros. Un espaciu lúdicu, pero tamíen del conocimientu, que pretendemos ufiertavos y nel que queremos tamién qu'andechéis con nós unviándonos les vueses ayalgues, bien seyan atopaes o propies, d'esti universu dixital.