Llan de Cubel nun para esti fin de selmana

Llan de Cubel tien tres conciertos programaos pa esti vienres y
sábadu, nuna xira a toa priesa per Asturies y Madrid.

El fin de selmana entama'l vienres nos salones de Caxastur de Mieres a
les 20:00 hores col primer conciertu, depués tocarán a les 00:00
la nueche na Felguera nel barriu de La Pomar, nesti conciertu esperamos poder
confirmavos l'actuación tamién de
"Corquiéu". Al
día siguiente van actuar en Madrid nun conciertu organizáu al
final de la manifestación convocada para protestar pola reforma llaboral
del gobiernu español.

Non solo "Llan de Cubel" va viaxar esti fin de selmana,
"Felpeyu" va actuar en
Lleón esti vienres a eso de les 19:00 la tarde nun festival que va durar
dos díes, onde tamién van actuar xente como "Kepa
Junquera", "Cantara Folk" y
"Hedningarna".

Contador Estadistiques