Llan de Cubel en direutu

Dende l'añu 1999 nun teníamos noticies discográfiques del grupu folk con más aceptación ente'l públicu asturianu, Llan de Cubel. Pero paez qu'esti añu vamos tener novedaes d'ellos con un nuevu discu. Anque esti trabayu va venir nun formatu que nun ye mui habitual ente los grupos folk, el de los discos grabaos en direutu.Namás que Felpeyu y Nuberu tienen na so discografía esti tipu de discos, anque'l discu de Felpeyu "Live Overseas" namás que tea editáu n'Australia con motivu de la so segunda xira per esti país, pero inda hai posibilidaes de facese con él equí n'Asturies.Llan de Cubel va facer la grabación durante los conciertos d'esti añu, pa depués facer una esbilla ente tolo grabáu, y escoyer aquelles que tengan mas calidá, y que representen meyor la fuercia d'esti grupu en direutu. Dende esta sección vos tendremos informaos de los conciertos de los "cubelos" pa que podáis participar de la grabación d'esti trabayu.