Llamazares diz que'l futuru d'IX nun pasa obligatoriamente por repetir pautu cola FSA

El coordinador xeneral d’Izquierda Xunida Gaspar Llamazares declaró güei nel trescursu d’una entrevista pa la emisora Radio Llangréu que’l futuru d’Izquierda Xunida n’Asturies nun pasa obligatoriamente “pola repetición del pautu col PSOE” y sí pola meyora de resultaos electorales nes votaciones del 2007 porque “demostramos que somos capaces de gobernar y facelo bien". Llamazares apuntóque-y abulta más positivu un gobiernu “en minoría y condicionáu por otra fuerza o un gobiernu de coalición qu’ún de mayoría absoluta” y defendió que nesta llexislatura hebo “más control de l’acción de gobiernu”. El coordinador xeneral d’Izquierda Xunida punxo les notes negatives nel allancamientu de la reforma del Estatutu d’Autonomía y na falta d’oficialidá del asturianu.