L'intercélticu d'Avilés énte'l fin de selmana más intensu

El ritmu del festival intercélticu d'Avilés acelerase nos
sos trés últimos díes. Dende güei vienres pela
mañana hasta'l domingu a les onde la nueche les cais y escenarios
d'Avilés van tar atacaos de gaites, bailles y estremaes maneres de
d'entender les cultures celtes. Ente la mecigaya de propuestes rescamplen les
que van enllenar les nueches de güei y mañana.



Esta nueche, a partir de les 23:00 hores más de venti bandes de
gaites y grupos de baille, y cinco montaxes teatrales de Teatro Margen van
caleyar per Avilés dende la plaza l'Ayuntamientu hasta'l polideportivu
del Quirinal, no que na organización vieno a llamar Sestaferia, Marcha
Celta. En llegando al polideportivu, al rodiu de les 23:30 hores, va entamar
ellí l'espectáculu Lluna Celta onde actuar al rodiu de 600
persones pa facer una espectáculu de lluz, música y teatru. Ente
los músicos que van participar nesti espectáculu podemos cuntar
al gaiteru Xuacu
Amieva, vael cantante Jorge Tuya, la bandurria d'Héctor Braga y la
zanfona de Merce Santos, amás de bandes de gaites y grupos de baille de
dellos países, y la dirección de
Teatro Margen.



La nueche del sábadu tiennos preparada una nueche folk con grupos
d'orixe bien estremáu. Ello ye qu'a partir de les 23:15 hores na Plaza
L'Ayuntamientu d'Avilés van tocar el gaiteru gallegu
Carlos Núñez, y el
folk de los galeses Mabon.
Amás nesi escenariu tamién van tar, per primer vegada n'Asturies
el grupu de folk asturianu, anque afincaos n'Arxentina, Fardaxu, que ta n'Asturies gracies a la
collaboración de l'Axencia
Asturiana de la Emigración col festival.