L'INJUVE apuesta pol folk asturianu

Tolos años el "Instituto de la Juventud" organiza unos ciclos de conciertos per tol estáu. Na edición d'anguaño nel apartáu del folk van participar trés grupos asturianos.

Los ciclos de conciertos del Injuve toquen circuitos musicales bien distintos. Hai canción d'autor, música clásica, flamenco, jazz, otres músiques, y finalmente folk, onde esti añu rescampla la presencia asturiana. Ello ye que de los cuatro grupos escoyíos, trés son asturianos, el tríu de Diego Pangua, Rubén Bada y Dolfu Rodríguez DRD, la cantante Anabel Santiago, que va dir acompañada por una banda formada por María Álvarez nel curdión Michael Lee Wolf na guitarra y Sergio García nes percusiones. Anabel va facer nestos conciertos los temes del so discu Al son de la lluna, anque tamién va haber dalgún tema nuevu. Pieslla la nómina d'asturianos el folk electrónicu de Xera, grupu que de poco p'acá ta dando muncho que falar cola so propuesta novedosa y arriesgada. L'otru grupu escoyíu pol Injuve son Aira da Pedra del Bierzu