L'HUCA incorpora un equipu de tomografía de prestaciones altes

|
Recreación equipu de tomografía por emisión de positrones (PET/TAC) de prestaciones altes

Nestos momentos yá ta funcionando ún.

El Conseyu de Gobiernu aprobó güei un gastu de 2.583.713 euros p'ampliar un equipu de tomografía por emisión de positrones (PET/TAC) de prestaciones altes nel Hospital Universitariu Central d'Asturies (HUCA). La precisión elevada d'esti equipu va aumentar la capacidá diagnóstica y terapéutica del centru y garantizar mayor seguranza tanto a los pacientes como a los profesionales, yá qu'emitirá menos radiación.

L'aparatu, que se suma al que yá funciona anguaño en el HUCA, va permitir facer un siguimientu de les distintes patoloxíes de forma más esauta y precoz. Nel casu de tumores, al menguar la radiación emitida, va poder axustase meyor la necesidá d'un tratamientu nuevu si fora necesario.

Amás, al reducir a la metá del tiempu l'emplegáu na téunica, permite aumentar el númberu de pacientes incluyíos pal diagnósticu y evolución de más patoloxíes. La compra d'esta máquina cuenta con financiación del Plan d'Inversión n'Equipos de Teunoloxía Alta (Inveat), programa promovíu pol Ministeriu de Sanidá con cargu a los recursos europeos Next Generation que dedica una inversión de 12.878.900 euros distribuyida en seis hospitales que permite la renovación de cinco equipos y l'ampliación d'otros once hasta esti añu.

Hasta'l momentu yá s'emplegaron 7 millones d'esti plan.

Na semeya, recreación del equipu de tomografía por emisión de positrones (PET/TAC) de prestaciones altes.

Contador Estadistiques