L'Hostelcur busca revalidar en Lloret de Mar el títulu de Copa

|
L'Hostelcur busca revalidar en Lloret de Mar el títulu de Copa

Les xixoneses xueguen los cuartos de final esti vienres col Club Patín Las Rozas.

L'Hostelcur Xixón va enfrentase estar tarde, de magar les 19 hores, al conxuntu madrilanu, sétimu clasificáu na OK Lliga de ḥoquei patinos y meyor defensa de la competición. Les de María Fernández 'Pulgui' tornen a Lloret cargaes de moral, yá qu'amás de liderar competición regular como invictes, disputen los díes 25 y 26 nel Palaciu de Deportes la final a cuatro de la Copa d'Europa.

Pero lo primero ye la Copa, títulu que l'equipu xixonés ganó 3 veces y que quier sumar per segundu añu consecutivu, una xesta yá algamada nel 2013. Nel casu de superar a Las Rozas, el próximu rival del Hostelcur saldría de la eliminatoria ente'l Manlleu y el Covesa Sferic Terrasa, partíu que se disputaría mañana a les 13 hores.

La otra parte de cuadru confórmenla los choques Voltregà-Bigues i Riells y Generali Palau de Plegamans-Liceo. La final va tener llugar el domingu a les 18 hores.

Tola competición va ser retresmitida en direuto pela web de Real Federación Española de Patinaje.

Contador Estadistiques