L'estudiu móvil de 'La Noche en 24 Horas' fai parada n'Uviéu

El programa de Xabier Fortes de la Canal 24 Horas de RTVE va facer un direuto con entrevistes a Adrián Barbón y Diego Canga.

'La Noche en 24 Horas' sigue completando'l mapa de les comunidaes del Estáu que celebren eleiciones el 28-M. Asturies ye la parada próxima y n'Uviéu l'estudiu móvil d'esti espaciu yá ta preparáu n'Uviéu, al llau del Campoamor, pa emitir a les 22 hores d'esta nueche un especial informativu sobre'l país.

Fortes va entrevistar al presidente y candidatu de la FSA en mayu, Barbón, asina como al del principal partíu de la oposoción, el PP, Canga. El periodista va tar acompañáu por otros profesionales conocedores de l'actualidá asturiana como Carlos Cué, Julio César Herrero, Marcelino Gutiérrez y María José Iglesias.

Na imaxe, l'estudiu móvil de 'La Noche en 24 Horas' instaláu'l xueves pasáu n'Iruña.