Les zones afeutaes pola descarbonización recibirán 600 millones

Asturies optará a estos fondos, que se repartirán ente mayu y setiembre.

La ministra de Transición Ecolóxica en funciones, Teresa Ribera, acudió ayeri a Uviéu, onde s'entrevistó col presidente Adrián Barbón, pa presidir la Mesa Nacional de Descarbonización d'Asturies y la primer reunión de trabayu sobre actuaciones y convenios de Transición Xusta n'Asturies. Nesti marcu anunció que trés son los convenios que se pondrán en marcha nes zones en transición del país cola intención de "impulsar proyeutos solventes d'activación económica, prioritariamente industriales, que garanticen la xeneración d'emplegu de calidá nestes rexones, fixando asina población", apunten dende'l ministeriu.

En total la cifra a la que va llegar el Gobiernu estatal algama los 600 millones d'euros, a los qu'optarán tamién territorios mineros de Castilla y Lleón, y Aragón. Amás Ribera apuntó que se ta preparando llinia d'ayudes nueva, con una dotación inicial estimada d'hasta 50 millones d'euros, dirixida a municipios onde se produzan pieslles de centrales térmiques. 

Na semeya, Ribera, a la izquierda d'encarnao, preside la mesa.