Les xornaes gastronómiques protagonicen l'ociu pa esti fin de selmana

Les xornaes gastronómiques venceyaes a los samartinos protagonicen
los eventos pa esti fin de selmana nel nuesu país. Per un llau tenemos
les Xornaes Gastronómiques de la Matanza del Gochu en Casu, y per otru
les Xornaes Gastronómiques de la Matanza en Felechosa y l'Altu Ayer. En
dambos casos los restaurantes de la fastera ofrecen ente los díes 6 y 9
d'avientu menús ellaboraos con productos procedentes de los samartinos.
A estes actividaes gastronómiques podemos amestar les Xornaes
Gastronómiques de la Cocina Tradicional Xixonesa, na que dellos
restaurantes de Xixón ofrecen menús formaos por productos y
platos típicos de la ciudá.

Nel apartáu musical, va presentase esti sábadu nel Auditoriu
Principe Felipe d'Uviéu a les 21:30 h. el primer trabayu en solitario
del ex-componente de Cafe Quijano, Manuel
Quijano, entituláu "Vias y venidas". Tamién na
capital pero'l domingu va desarrollase la segunda fase eliminatoria del XVI
Concursu y Muestra de Folklore “Ciudad de Oviedo”. Va ser nel Teatru
Filarmónica a les11:45. Y el llunes nel Teatru Nuevu de La Felguera a
les 20:00 h. actúa'l grupu
"EnFado".
L'oxetivu d'esti grupu ye doble, per un llau afondar nos raigaños del
fado y per otru esperimentar formes d'aproximación a una sonoridá
mediterránea. Munches mas actividaes pa esti fin de selmana na nuesa
axenda d'ociu.