'Les rellaciones peligroses' pon el ramu al III Festival Nel Amaro

|
Cartelu 'Les rellaciones peligroses' de Factoría Norte

La representación de la obra de Factoría Norte dará pasu los díes próximos al aconceyamientu del xuráu pa decidir cuála de les cuatro finalistes merez el premiu.

'Les rellaciones peligroses' va ser la cuarta y cabera finalista del III Premiu y Festival Nel Amaro de Teatru Profesional en Llingua Asturiana o Gallego-asturiano. Escrita y dirixida pol Eladio de Pablo, trátase d'un cóctel esplosivu de drama, humor y pedagoxía sobre la manera que tien la mocedá d'encarar los peligros de les teunoloxíes nueves y les redes sociales, el so aniciu a la vida sexual y los prexuicios sobre la identidá de xéneru.

Factoría Norte va poner n'escena esta obra'l vienres a les 20 hores nel uvieín Teatru Filarmónica, con entrada llibre. Enantes representaren les sos propuestes Ververemos ('Muyeres inesperaes'), El Callejón del Gato ('Crecer') y Higiénico Papel Teatro ('Una casa').

 

Contador Estadistiques