Les plaques de les cais de Lleón van dir en lleonés

L'Ayuntamientu aprueba la so forma billingüe col votu favoratible del Partido Popular (PP).

Una moción presentada nel Plenu por Unión del Pueblo Leonés (UPL) pa que les plaques de les cais de Lleón foran en lleonés y castellanu, y incorporasen de fondu'l color púrpura de la bandera salió alantre cola astención única de Ciudadanos (4 conceyales). PP (10), PSOE (8), Agrupación de Electores León Despierta (2) y León en Común (2) apoyaron la propuesta del únicu edil d'UPL, Eduardo Manuel López Sendino.

Les plaques que tean en mal estáu van ser repuestes darréu. Mentes, van colocase tamién les nueves nos munchos llugares de la ciudá onde éstes tán ausentes por dellos motivos, como reconstrucciones o reformes.