Les nueves Xeneraciones conviden a facer unos “zapatiempos”

Nes Nueves Xeneraciones, la estaya de mocedá del PP, tan que lo vierten. Na última actualización de la so web, la reciella popular ufre unos entretenidísimos "zapatiempos" que puen descargase tamién pela rede y nos que se planteguen xuegos y cuestiones rellacionaes col presidente Zapatero y los sos ministros. Dende un xuegu de casar pareyes nel qu'hai que rellacionar al PSOE con distintos partíos nacionalistes a los que ta ayudando a desgraciar España hasta una sopa de lletres na qu'hai qu'atropar los calificativos despectivos que meyor definen el gobiernu de Zapatero, les mocedaes peperes dan entretenimientu pa un bon cachu nun cartafueyu de pasatiempos que tamién presenta a ZP y los sos collaboradores nes sos semeyes mas fees. Dende Nueves Xeneraciones, presenten los zapatiempos como un convite pa reflexonar sobre'l primer añu del gobiernu socialista.
Entrar a la web de Nueves Xeneraciones