Les medalles d'Asturies, a debate

Nel pasáu Día D'Asturies, el Gobiernu asturianu entregó les "medalles d'oru d'Asturies" la más alta condecoración civil asturiana. Esti añu, los escoyíos pa recibir tal distingu foron Juan Cueto, periodista, escritor y ex-director de Canal+, y el colectivu de cigarreres de la fábrica de tabacos de Xixón. Si del primeru quaxábense dende'l PP asturianu de que-y daben el premiu por firmar manifiestos d'intelectuales al favor del actual presidente Álvarez Areces, les segundes nun reciben el premiu nel meyor de los momentos. Cola fabrica pesllada definitivamente, treslladaes a Santander unes y prexubilaes otres, les más de les cigarreres, ún de los colectivos f emeninos obreros más relevantes na historia d'Asturies, entienden esti premiu como una broma de mal gustu depués de que toles promeses polítiques de caltenimientu de la fábrica primero, y de busca de nueves inversiones pa sustituyila depués, quedaren pa prau.Esti mes, na encuesta de Conceyu Abiertu proponémosvos la entruga: ¿Qué opines de les medalles d'Asturies?