Les llingües cooficiales entamen a usase nel plenu del Senáu
|
11 Xineru, 2011 por E.P. / Redacción
- Inicie sesión o rexístrese pa espublizar comentarios
El Senáu va celebrar la selmana qu'entra'l primer Plenu del añu nel que, amás, podrán utilizase per primer vez toles llingües cooficiales del Estáu, cumpliendo asina la reforma del Reglamentu de la Cámara.
El Plenu estraordinariu del mes de xineru, aprobáu pola Diputación Permanente del Senáu, va empezar el martes 18 de tarde cola habitual sesión de control al Gobiernu. De siguío, yá pasaes les 20.00 hores, van debatise dos mociones consecuencia d'interpelación nes que los senadores yá van poder realizar la so intervención na llingua que deseen.
Va ser la primer vez na que'l catalán, l'euskera o'l gallegu s'usen nel Plenu del Senáu, dao que les llingües cooficiales taben llendaes hasta la reforma del Reglamentu a la Comisión Xeneral de Comunidaes Autónomes. La decisión aprobóse’l pasáu mes de xunetu cola única oposición de PP y UPN.
La primera de les iniciatives que va tener oportunidá de debatise en cualquier de les llingües del Estáu va ser una presentada por Entesa Catalana del Progrés --grupu formáu por PSC, ERC y ICV-- relativa al abandonu escolar.
Efrén d'Andrés
Lo + visto de la selmana
Comentarios
L'asturianu non se usara ,una vegada mas ,negun trabayu pa ello, los politicos asturianos solu lo son de duernu,non lo tienen de arguyu trabayar por Asturies!! Falten-yos los c..... pa facelo.
asina tamos tan lloñi de les demas..Ye de pena!!