Les causes del fueu

La organización conservacionista WWF - Adena presentó ayeri un informe sobre les causes del fueu intencionáu nel Estáu Español nel qu'afonda nes causes y consecuencies de los incendios. L'informe conclúi que la llucha contra'l fueu n'España ye "un fracasu" y alvierte que, anque cada añu se dispón de meyores medios p'apagar el fueu, sigue ensin afondase nes causes de los mesmos nin alcontrar a los sos responsables últimos.

Ello ye que l'estudiu de WWF-Adena diz que nun llega a conocese la motivación que ta tres de 4 decada diez incendios n'España , y nos casosen que llegaa facese una ihnvestigación seria, namás hai un 1% de los casos nos que se detenga a dalgún de los responsables.

L'informe remembra que nel estáu hai una mediade 20.000 fueos cada añu de los que namás el 4% tienen causa natural. Ente los incendios de losque llega a esclariase la causa, el fueu p'aprovechamientu agrícola de la superficie quemao ye la causa principal, atropando' 30% de los casos, y ye tamién la que más s'aveza nel noroeste de la península xunto cola quema de praos y de rozu pa usu ganaderu, que representa'l 21% de los fueos. La quema de basoria y los escapes de vertederos, los fueos accidentales que causen fogueres o pitos mal apagaos o los que vienen d'actividaes profesionales como trabayos nes linies del tren o eléctriques.Les comunidaes del mediterráneu son les que se ven más dañaes por estos fueos causaos por descuidu o error.

WWF-Adena fai un llamáu a les Las Conseyeríes d'Agricultura a ufiertar alternatives al fueu y a regulalu y controllu cuando sea preciso emplegalu, esplicando que tres de cada fueu hai un causante, pero tamién hai delles alministraciones con responsabilidá que nun reconocen el problema como propiu".


No tocante a Asturies, la tendencia del fueu ye irregular enforma nos diez años últimos. El meyor añu hasta agora foi'l 2001, cuando namás prendieron, en tol añu, 2462 hectarees, mientres qu'ente los años prietos de la última década rescamplen 1997 y 2000, dambos con más de 15.000 hectaries abrasaes. Los ecoloxistes asturianos lleven tiempu pidiendo la ellaboración de planes d'estudiu por parte de Bomberos d'Asturies sobre les causes del fueu, facer planes d'ordenación de los montes que se manden por criterios de prevención del fueu o enxertar una reforma na llei de montes con vistes a que se prohiba l'usu y aprovechamientu de les zones quemaes, siempre que pueda demostrase que se quemaron a costafecha y buscando sacar porgüeyu d'ello.