Les Battinses, estrella del festival folk de Tapia

El grupu del Canadá va tocar na xornada de pieslle d'un festival que va llevar al occidente cuatro díes de música y programación cultural que va cubrir Televisión Española.

El festival va arrancar el miércoles 17 na villa de Tapia de tarde cola participación del bagad bretón Landerneau, la Banda de gaites "Camin del Fierru" la escocesa Williamwood Pipe Band, el grupu de música tradicional alemán Volkstanzgruppe y el Grupo Corisco de Galicia. Ente les actuaciones musicales rescamplen les nueches folk, el xueves 18 con "Save the Dragons" d'Escocia y el grupu d'emigrantes asturianos n'arxentina "Folixa", que van dar pasu'l vienres 19, ala participación de los grupos Xistras de Coruxo y Run, un grupu d'Uviéu nel que toquen dellos miembros de la formación de los gatos del Fornu. Ello va ser nel marcu natural de la playa del Murallón, onde'l sábadu va haber un gran espectáculu musical cola participación de tolos grupos musicales convidaos xunto con grupos de teatru y coros nun gran musical celta.

La nueche del domingu queda acutada pa un gran restallu final cola participación de la gaitera bretona Marie le Cam y el grupu del Canadá Les Battinses, pero'l festival va muncho más allá de la música, proponiendo una estensa programación cultural, qu'entama ya'l mesmu miércoles con una conferencia sobre la bandurria al cargu de Jose Angel Llaneza y la proyección del documental "horreos y paneres d'Asturies" pa siguir
con talleres de gaita escocesa, de danza gallega o'l de percusión a cargu de Manolo Durán, ello aparte de les actividaes gastronómiques qu'incluyen el concursu de postres o'l festival de la cerveza.


El festival folk de Tapia quier llegar anguaño a tolos públicos y asitiase como un refrente nel calendariu. Pa ello, la organización cuenta cola collaboración de TVE, que va facer un seguimientu especial del festival, que va vese espeyáu na programación de la emisora estatal, incluyendo posíblemente una desconexón nun parte de noticies.