Selmana de les Lletres Asturianes

Les ayudes urxentes a los sectores afeutaos poles restricciones pola COVID-19 amplíense a los comerciantes de bébores al por mayor

|
Adrián Barbón Conseyu de Gobiernu estraordinariu ayudes bébores

A los 33,3 millones d’euros movilizaos p’ayudes urxentes a trabayadores por cuenta propia y pymes del comerciu minorista, el sector turísticu y la hostelería, la cultura y el deporte afeutaes pola crisis sanitaria pola COVID-19 súmense agora 186.000 más. Los comerciantes de bébores al por mayor son los beneficiarios.

La selmana pasada espublizáronse nel BOPA los decretos que movilizaben estes ayudes pa sofitar económicamente a los sectores más perxudicaos pola pandemia. 8.441.100 euros son pa 4.910 autónomos del pequeñu comerciu; 19.696.000 pa 9.745 autónomos y pymes de la hostelería y el turismu; 3.130.000 pa 1.907 de la Cultura; y 2.039.000 pa 1.096 del Deporte, que se van repartir en cantidaes fixes según el númberu d’emplegaos.

Asina, son 1.500 euros p’autónomos ensin trabayadores; 2.000 pa los que tengan entre 1 y 4; 3.000 nel casu de contar de 5 a 9; y 4.000 si hai más de 10 en plantía. Los negocios del ociu nocherniegu trancaos del 18 d’agostu hasta’l día 1 van sumar a l’ayuda otros 3.000 euros más.

Nun Conseyu de Gobiernu estraordinariu entamáu güei l’Executivu decide ampliar en 186.000 euros la partida pa beneficiar tamién a 93 comerciantes de bébores al por mayor. D’esta forma los 19.696.000 euros pal sector hosteleru y turísticu pasen a ser 19.882.000, poniendo’l total de les ayudes en 33.492.000 euros.

Na imaxe, el presidente Adrián Barbón preside telemáticamente'l Conseyu de Gobiernu estraordinariu. Semeya obra d'Armando Álvarez.

Contador Estadistiques