L’ayuntamientu de Xixón presenta’l premiu Fierro Botas d’ensayu

La Conceyalía de Cultura Tradicional y Llingua Asturiana del Ayuntamientu presentó ayeri la convocatoria del Primer Premiu d'Ensayu y Trabajos d'Investigación 'Fierro Botas' col que se fai alcordanza de la figura del sacerdote xesuita y intelectual asturianista Federico González-Fierro Botas. La temática de los trabayos ha ser la cultura asturiana o la memoria social y colectiva de Xixón. Teniendo en cuenta l'especial compromisu y rellación de Fierro Botas con Rusia, el concursu tamién ta abiertu a trabayos sobre la cultura rusa o eslava y sobre la memoria d'estos pueblos.

El Premiu ta abiertu al públicu en xeneral col requisitu de que les obras han tar escritEs en llingua asturiana, firmaes con alcuñu y llevar datos personales en sobre aparte. Los escritos han ser orixinales y tener un mínimu de cincuenta páxines, formatu DIN-A4, con un máximu de 2.500 caracteres por fueya impresa a una cara. Ha unviase copia por triplicao a la Conceyalía de Cultura Tradicional y Llingua Asturiana del Ayuntamientu de Xixón (Plaza mayor s/n 33201), conseñando en sobre la referencia "Premiu d'ensayu Fierro Botas 2007".

El premio asciende a 4.000 euros y la publicación del ensayu ganador por parte de la Conceyalía de Cultura Tradicional y Llingua Asturiana del Ayuntamientu de Xixón.

La fecha tope pa la entrega de los trabayos ye'l 30 de xunu del 2008 y el fallu va dase a conocer de güei a la vuelta d'un añu, el 30 de payares. Nel xuráu va haber un representante de la familia González-Fierro, representantes del mundu de la cultura asturiana y un representante de la Conceyalía de Cultura Tradicional y Llingua Asturiana, que va exercer de presidente.