L'Ayuntamientu de Xixón mandó retirar una pancarta crítica con Trevín y Felgueroso

La Policía del Conceyu y los Bomberos procedieron ayeri a la retirada de de la pancarta que tenía puesta dende'l xueves pasáu la Plataforma contra la Represión y poles Llibertaes na fachada de la Casa Sindical en defensa de Cándido González Carnero y Juan Manuel Martínez Morala, los sindicalistes condenaos a trés años de cárcele pol ataque a una cámara de tráficu nel trescursu de les movilizaciones del sector naval en Xixón, fechu del que los sindicalistes se declaren inocentes.

La pancarta contenía crítiques al equipu de gobiernu de Xixón, el delegáu del Gobiernu Antonio Trevín y l'alcaldesa, Paz Fernández Felgueroso. Nel añu 2003, el conceyu nun retirare otra pancarta xigante colgada de la fachada de la casa sindical en protesta contra la guerra d'Irak, mientres que'l mesmu conceyu tien otra pancarta de grandes dimensiones escolingada de la casa rosada faciendo anuncia del yacimientu arqueolóxicu de Veranes.