L'Axencia de Cooperación potencia los sos proyectos en Bosnia

El Director de l'Axencia Asturiana de Cooperación al Desarrollu, Rafael Palacios, visitó la República de Bosnia y Herzegovina nes feches del 21 al 29 d'agostu. El motivu del viaxe yera valorar y prepara los proyectos de cooperación que ta desenvolviendo'l Principáu na república.

Nel viaxe mantuviéronse una riestra de conceyos con representantes institucionales, políticos, sociales y ciudadanos, inaugurar dellos proyectos yá realizaos na zona, asina como dir dando los primeros de pasos pa los proyectos propuestos pal añu qu'entra. Ello ye que Rafael Palacios, Director de l'Axencia de cooperación inauguró actuaciones como l'asfaltáu de caleyes de l'aldea de Mutnik, con un coste de 69.000 euros, sofitu al sistema educativu de primaria en Peligrad y instalación d'un sistema de calefacción, con 19.000 euros, y la construcción d'una escuela pública nueva en Prosici, con un presupuestu de 99.000 euros.

Otra manera l'Axencia tien previsto espublizar en 2006 un documental col oxetivu de sensibilizar a la población escolar asturiana sobre la intolerancia, l'autoritarismu, la llimpieza étnica y los campos de refuxaos. Asina'l director Palacios aprovechó'l so viaxe a Bosnia pa visitar el Centru Internacional de Reconocimientu de Persones Desapaecíes de Tuzla, onde nestos momentos s'alcuéntrense los cuerpos de 4.000 persones topaes nes distintes fueyos comunes en Bosnia pendientes d'identificar.