L'Avilés y l'UP Langreo debuten na fase estatal de la Copa Federación

|
L'Avilés y l'UP Langreo debuten na fase estatal de la Copa Federación

Los blanquiazules reciben al potente Burgos, mentes que los azulgranes viaxen a Galicia pa enfrentase al debutante Silva.

L'Avilés llega a la Copa Federación tres cayer elimináu en Copa del Rei pol UD Logroñés y va tener enfrente nesta primer ronda de la competición a otru equipu del mesmu grupu de Segunda División B, el Burgos, campeón de la fase de Castiella y Lleón y cuartu clasificáu. Nun llega en bon momentu'l choque d'esta tarde (20 hores, Suárez Puerta) pal equipu de Xiel, con munches baxes, una trayeutoria irregular en lliga y trés meses d'impagos a la plantiya.

Con meyor cara afronta esta competición l'Unión, que va vese les cares con otru club de Tercera, el Silva, tercer clasificáu nel país vecín y campeón de la fase llocal, que disputa per primer vegada un partíu oficial con un conxuntu de fuera de Galicia nos sos 77 años de vida. Hernán Pérez Cuesta cuenta con tola plantiya disponible pa enfrentase a esti equipu d'un barriu d'A Coruña a les 19.30 hores.

Contador Estadistiques