L'autovía amenaza dos molinos en Villaviciosa

La construcción de l'Autovía del Cantábrico amenaza de muerte un conxuntu arquitectónicu de gran valir etnográficu en Villaviciosa. Los molinos del pueblu de Rozaes, dataos primero del sieglu XVIII, podríen desapaecer del mapa xunta una antigua ponte d'orixe medieval y fácilmente d'época prerrománica. Ello ye que'l Ministeriu de Fomentu quier emplegar el llugar pa sacar tierra pa los rellenos de la carretera, que nun los afectaría directamente porque'l trazáu pasa a 40 metros d'estos dos molinos, que se salvaron de la roina gracies al enfotu personal de los sos dueños. Anque se supón que les edificaciones queden baxo'l resguardu de la Llei de Patrimoniu del Principáu, llama l'atención qu'un de los molinos recibiere ayuda oficial pa remocicalu y qu'agora l'autovía vaya llevalu per delantre