Laura González diz que l'asturianu "nun va ser pilancu" na reforma del Estatutu

La Conseyera de Vivienda Laura González declaró nuna entrevista a la emisora de TV Canal 10 que recueye'l periódicu "El Comercio" que la oficialidá de la llingua asturiana "nun diba ser nengún pilancu pa la reforma del estatutu d'autonomía". La Conseyera d'Izquierda Xunida, que declaró tamién que'l términu nación nun-y dicía res y qu'ella quería falar de más competencies, dixo que-y abultaba que nun diba haber problema nengún pa que FSA- PSOE y IX- BA remataren xuntos la llexislatura presente.

Les declaraciones de Laura González amás de dir contra les d'otros representantes d'Izquierda Xunida, que lleven tiempu alvirtiendo de que la oficialidá de la llingua va ser ún de los asuntos que van centrar el debate sobre la reforma estatutaria, sentaron mal enforma nel sen del Partíu Asturianista, qu'ayeri emitió un comunicáu calificando de "inaceptables" les palabres de la conseyera. El PAS afirma que "naturalmente l'asturianu nun ye ún problema pa ella mesma en cuantes quena so etapa como Presidenta del Parlamentu Asturianu prohibió l'usu del asturianu al diputáu del PAS Xuan Xosé Sánchez Vicente".