L'Audiencia Nacional condena a multes de 3.000 euros a los humoristes de 'El Jueves'

El xuez central de lo penal de l'Audiencia Nacional, José María Vázquez Honrubia, condenó güei a sendes multes de 3.000 euros a los humoristes gráficos de la revista satírica 'El Jueves' Guillermo Torres y Manel Fontdevila, al consideralos "responsables d'un delitu d'inxuries al Príncipe", contempláu nel artículu 491.1 del Códigu Penal.

El fiscal Miguel Ángel Carballo solicitó subir de 3.600 a 6.000 euros la multa pa los dos humoristes al considerar que la difusión de la caricatura "aumentara los beneficios económicos" de la revista, lo cual consideró "intolerable pal Ministeriu Fiscal".

Los dos humoristes afirmaron non sentise culpables de la comisión de nengún delitu, mientres que'l so abogáu defensor apeló a la llibertá d'espresión pa xustificar l'actuación de los sos representaos.

El dibuxante Guillermo Torres y el guionista Manel Fontdevila aseguraron esta mañana, enantes del entamu del xuiciu na Audiencia Nacional , que "volveríen a facelo".