L'asturianu mengua nos estatutos de la Universidá d'Uviéu

La reforma estatutaria que ta faciendo la Universidá d'Uviéu, obligada a ello pola LLei nueva d'Universidaes (LOU), pue amenorgar la presencia del asturianu nos estatutos de la institución.

Representantes de la Plataforma Universitaria Alternativa (PUA) tan acabante de tener una xunta col Vicerrector d'Estudiantes pa tratar sobre delles enmiendes a la propuesta d'estatutos nuevos que presentare'l Vicerrectoráu. Si bien dalguna propuesta, como la d'esplicitar que la Universidá nun pueda investigar con fines bélicos, tuvieron una cierta aceptación, el Vicerrectoráu presentó una propuesta sobre l'articuláu dedicáu a la llingua asturiana que concueya mal cola redacción que-yos presentó la PUA y que taba fecha en collaboración cola Xunta Pola Defensa de la Llingua Asturiana - Xunta Moza.

La redacción que propunxeron la PUA dedicába-y dos puntos al tema, nel primeru (artículu 6.2) dicía que "La lengua asturiana y el castellano son las
lenguas propias de la Universidad de Oviedo y serán
empleadas en igualdad de condiciones" mientres qu'un segundu puntu (6.3) desarrollaba esti esplicando que "La Universidad de Oviedo promoverá, en el marco
de sus competencias, las acciones que sean necesarias
para la normalización y desarrollo de la lengua
asturiana".

En cuenta d'esta redacción, que les autoridaes universitaries nun tan dispuestes a pasar, proponse dende'l Vicerrectoráu esta otra redacción muncho menos desarrollada: "la lengua asturiana será objeto de estudio,
enseñanza e investigación en los ámbitos que (le)
corresponden. Asimismo su uso tendrá el tratamiento
que establezcan el Estatuto de Autonomía y la
legislación complementaria, garantizándose la no
discriminación de quien la emplee.". Esta propuesta del vicerrectoráu vien col sofitu de dellos profesores, ente ellos Serafina García (filoloxía),
José Luis San Fabian (Pedagoxía), J. Antonio Fernandez (bioloxía) y Beatriz
Gonzalez.