L’asturianu, fuera de la propuesta española de llingües oficiales na UE

El colectivu etnográficu Andecha Folclor d'Uviéu entama esti sábadu día cuatro una muestra didáctica sobre la jota n'Asturies, tema'l sobre'l que xira'l llibru qu'espublizó esti añu'l propiu colectivu.

Esti añu l'Andecha Folclor d'Uviéu espublizó un importante trabayu entituláu "El Cancioneru l'Andecha, la jota n'Asturies". El colectivu presentó'l llibru como una pequeña "enciclopedia" sobre la jota n'Asturies pero centrándose nel baille, apurriendo información sobre orixe, estilos y más de cuatrocientes partitures de jotes frutu del trabayu d'investigación de campu de l'Andecha Folclor. Agora'l grupu quier ufiertar un resumen prácticu d'esti llibru nuna muestra d'hora y media aprosimadamente, que va ser esti sábadu día 4 na sala de cámara del Auditoriu Príncipe Felipe d'Uviéu a les 18:30 hores. Ellí'l grupu va enseñar los más representativu de la jota n'Asturies siguiendo la división territorial que pue vese nel llibru, que reparte Asturies en cinco zones, noroccidente, suroccidente (Cangas del Narcea), suroccidente (Ibias y Degaña), Centru y Oriente.