L'asturianu a París

Celebróse esta selmana en París la 20 edición de Expolangues, una feria internacional que ta dedicada a la diversidá cultural y llingüística del mundu y que va tener una representaciçón institucional del Gobiernu del Principáu d'Asturies.
Esta feria ye una de les más nombraes d'Europa y dura cuatro díes (del 30 de xineru al 2 de febreru) y participen nella embaxaes, ministerios, universidaes y instituciones culturales en xeneral de munchos.
Compónse d'una esposición complementada con ciclos de conferencies, espectáculos teatrales, conciertos, presentaciones de novedaes didáctiques pal enseñu de los idiomes, etc. Y pueden atopase dende les llingües más espardíes, como l'ingles o l'árabe hasta les más minoritaries, como'l frisón, el gaélicu.
La Conseyería d'Educación y Cultura, tien entamáu un programa de difusión de la nuestra llingua fuera d'Asturies, cola fin d'algamar reconocencia esterior. Nesti sen, la Conseyería tien participao yá na Expolingua de Madrid y en Expolingua de Berlín (Alemaña), onde diz que tuvo perbona acoyida ente investigadores, especialistes y profanos.