L'archivu oral del occidente preséntase n'Uviéu

Esta tarde preséntase n'Uviéu el II volume de la serie "Atles Sonoru de la Llingua Asturiana" un CD editáu pola Academia de la Llingua y'l Muséu del Pueblu d'Asturies de Xixón qu'enxerta 14 cortes con falantes d'asturianu de los conceyos de Miranda, Grau, Tameza, Teberga y Quirós atropaos por Jesús Suárez López y Xosé "Ambás". El Cd acompáñase d'un llibrín con precioses semeyes de los informantes y les trescripciones de les narraciones, que siempre destaquen pol valor idiomáticu y tamién pol conteníu narrativu, incluyendo histories d'antiguo de los sos llugares, de la vida propio o rellatos más allegaos a lo mitolóxico.

Nel actu de presentación n'Uviéu, que va facese a les 21:00 h nel Chigre "El Naranco" na cai San Xosé 8, y ellívan tar Xosé Ambás y Naciu-i-Riguilón, dos grandes espertos na tradición oral del occidente asturianu.