L’Archivu Históricu d’Asturies va abrir nel 2008

El director xeneral de Cultura, Carlos Madera, dio anuncia esta mañana de que la obra de remocique de l'antigua Cárcel d'Uviéu p'adaptala a Archivu Históricu d'Asturies han terminase pal añu 2008, contando pa ello colos 14 millones d'euros de financiamientu qu'apurre'l Ministeriu de Cultura.

Carlos Madera esplicó los detalles d'esta actuación y comentó que l'aportación del Gobiernu Central va repartise en trés anualidaes, la primera yá nesti exerciciu 2005, pal que tan acutaos 100.000 euros. Echa a andar asina una obra pola que se llevaba esperando una década entera. Del edificiu de la prisión, que data d'últimos del sieglu XIX, amás de la traza esterior, van conservase la linterna y la cúpula centrales, que van poder visitase pol públicu, lo mesmo que cuatro cuartones de presos que van dexase nes sos condiciones orixinales pa que puedan vese les condiciones de vida de los reclusos.

D'otra manera, Carlos Madera dio anuncia de la visita que va facer la Ministra de Cultura Carmen Calvo, que va venir a Asturies pa inaugurar el 4 d'agostu un conveniu pol que va construyise'l Muséu de la Cueva del Pozu'l Ramu, (rebautizada como de Tito Bustillo nosaños 60) que a tener una dotación presupuestaria de 10 millones d'euros.