L'aplicación asturiana Touchvie trunfa nunos gallardones estauxunidenses

|

Llevó'l Premiu TiE 50 a la meyor Start-up teunolóxica del 2016, destacando por ser la única empresa europea nominada. Touchvie trátase d'una aplicación qu'aporta en tiempu real información concreta sobre películes o series que teamos viendo, con un catálogu superior a los mil títulos.

50 de 2.000 aspirantes llegaron al procesu final del Tie 50, ún de los programes más esitosos de Silicon Valley que sirve como altavoz d'idees orixinales y sorprendentes, convirtiéndose nun referente al altor de feries como'l TED o'l World Economic Forum. Touchvie foi la única europea en pasar el corte y inclusive en llevar el premiu a la meyor Start-up teunolóxica del 2016 nel eventáu entamáu recién nel Centru de Convenciones de Santa Clara (California).

L'aplicación asturiana ye la única plataforma nel mercáu "que convierte el visionáu de series y películes nuna esperiencia realmente interactiva". Touchvie "reconoz el momentu exautu que ta viendo y avanza de manera simultánea, ufriendo información sobre cualesquier elementu qu'apaeza en pantalla: actores, personaxes, looks, llocalizaciones, contestu históricu, música, anéudotes y cites celebres, ente otros", espliquen dende la compañía, qu'anguaño cuenta con un catálogu con 1.100 títulos que nun apara de medrar.

Contador Estadistiques