L'Alla prepara'l dia les lletres

El prósimu 7 de mayu ye'l XXV Día de les Lletres Asturianes. Les celebraciones oficiales d'esta fecha van facese esti añu n'Avilés, onde l'Academia de la Llingua Asturiana convida esti añu a participar nel actu oficial que va entamar de magar les 8 de la tarde nel Auditoriu de la Casa de Cultura del conceyu.

Nel actu, amás del tradicional discursu de la Presidenta de l'Alla Ana Cano, va tomar posesión como académicu correspondiente'l doctor José Antonio Fernández Vior. L'actu oficial va rematar con una actuación del grupu de folk "Corquiéu".

Pela so parte, la Xunta Pola Defensa de la llingua convoca pa esi día una manifestación reivindicativa que va salir a les siete de la tarde y que, como yá ye vezu, va rematar nel llugar onde fai l'actu institucional l'Alla con tiempu pa poder asistir al mesmu. N'acabando los actos oficiales, l'Academia de la Llingua y la Xunta Pola Defensa de la Llingua van collaborar por primer vegada na convocatoria d'una espicha popular con música y baille del país.