L'ALLA califica la propuesta de redaición del artículu 4 del Estatutu de "razonable"

"De xuru que se va ameyorar coles aportaciones de les otres fuercies polítiques", apunta'l so presidente, Xosé Antón González Riaño.

L'Academia de la Llingua Asturiana (ALLA) calificó de "razonable" la propuesta del artículu 4 fecha pola FSA a partir de les demandes de tolos partíos na negociación. Una redaición a la qu'IX yá presentó una alternativa basada nella.

González Riaño, na ronda d'entrugues de la so intervención énte la prensa d'esta mañana, catalogó esti movimientu del grupu socialista "d'interesante dende'l puntu de vista estratéxicu na negociación y tresmite convicción per parte del Gobiernu nel procesu". "Taba discutiéndose la cuestión de la reforma del Estatutu y, como un pasu más, apurro una propuesta de redaición del artículu 4, ye dicir, en qué va consistir la oficialidá", espresó.

Na semeya, González Riaño y Xosé Ramón Iglesias Cueva, secretariu de l'ALLA.