L'ALLA atiende al públicu per Internet y teléfonu

La institución establez el teletrabayu.

L'Academia de la Llingua Asturiana (ALLA) algamó ayeri'l determín de siguir les recomendaciones sanitaries anunciaes pol Gobiernu no tocante al ámbitu llaboral y xeneral, dirixíes a favorecer el distanciamientu ente les persones y el trabayu dende casa. Asina va caltener nos díes próximos el so funcionamientu gracies a una estratexa que combina’l teletrabayu con un serviciu mínimu nel llar social de la institución.

D’esta miente asegúrase l’atención al públicu al traviés del corréu electrónicu, les redes sociales y el teléfonu. Tamién se garanticen los llabores organizativos y editoriales.