L'alcaldesa de Mungia dimite por tener que colgar de la Casa Conceyu la bandera d'España

El Tribunal Constitucional confirmó la obligatoriedá de tener que colgar la bandera d'España na Casa Conceyu de Mungia. Esta decisión lleva a la so alcaldesa, del PNV, a dimitir.

Izaskun Uriagereka y la conceyala de Cultura Miren Begoña Bilbao confirmaron que van facer efeutiva la so renuncia'l vienres nel Plenu estraordinariu convocáu nel Consistoriu d'esta población bizkaitarra de 17.000 habitantes. La primer edil xustifica la so decisión alegando razones de conciencia y da agora'l pasu énte la imposibilidá de continuar cola so llucha nos xulgaos tres el refugu del Constitucional al recursu d'amparu que presentara pa qu'anulase la sentencia que-y obligaba a colocar la bandera d'España na fachada de la Casa Conceyu. Na so defensa agarrábase al so derechu a la llibertá ideolóxica al considerar dichu símbolu una imposición.