L'albergue del Meicín llega a la UE

La Plataforma pola Defensa del macizu de les Ubiñes,
colectivu qu'igüen ente otres entidaes el Colectivu Montañeru pola
Defensa de los Picos d'Europa, l'Asociación Asturiana d'Amigos de la
Naturaleza y la Coordinadora Ecoloxista d'Asturies, presentó esta
selmana una denuncia énte la UE contra l'ampliación del refuxu
del Meicin, proyectu que defende la Dirección de Deportes del principáu, el Conceyu de l.lena y la Federación de Montañismu. La denuncia de la plataforma, que repite los mesmos argumentos que
la que se punxo en Tribunal Superior de Xusticia d'Asturies encóntase en
que pa ser bien, el Principáu tendría de presentar estudios

alternativos a la obra que se propón. Al dicir de la plataforma, el non
facer esto va contra la llei estatal y podría dir tamién contra la de la mesma UE.

La plataforma entiende que tendríen de proponese a lo menos dos alternatives, y ello mesmos proponen qu'una d'elles tendría de ser la d'asitiar el refuxu en pueblu de Tuiza Riba, pueblu a bien poca distancia de la vega del Meicín y con accesu rodáu y toles infraestructures necesaries. La otra alternativa sedría la reparación del refuxu actual pero ensin recrecelu como se tien pensao pa facer un edificiu de trés altures.