L'Aeropuertu d'Asturies rexistró un descensu del númberu de pasaxeros del 10,3 por cientu en xunetu

AENA dio a conocer esti miércoles los datos de movimientos nel Aeropuertu d’Asturies en xunetu. Nesi mes hubo 131.359 pasaxeros nel aeródrumu, lo que supón un 10,3 por cientu menos en comparanza col mesmu periodu del añu anterior.
 
Sicasí, los datos de los siete meses primeros del 2011 nel Aeropuertu d’Asturies son entá positivos, yá que’l númberu de pasaxeros que pasó pela terminal ascendió a 795.275 personas, lo que significa un 5,3 por cientu más que nel mesmo periodu del 2010. No que respeuta al númberu d’operaciones en xunetu, el descensu algamó 22,7 por cientu al rexistrar 1.329. Nesti apartáu, la medra nos siete meses primeros del añu foi del 2,7 por cientu al contabilizar 9.428.
 
A nivel estatal, rexistráronse 213.961 operaciones en xunetu, lo que supón un descensu del 0,6 por cientu. Unos datos que reflexen un xunetu baxu en tola rede d’AENA, yá que nos siete meses primeros del añu hubo 117 millones de pasaxeros, un 7,9 por cientu más que l’añu pasáu.