L'ADSL, a xuiciu en Siero

Güei celébrase a les 11:30 nel Xulgáu de Primer Instancia nº 3 de Siero la vista del pleitu que-y punxo un internauta asturianu, profesor de derechu del trabayu na Universidá, a la compañía Wanadoo por incumplimientu de contratu nel serviciu de conexon a internet via ADSL. El denunciante, Iván Antonio Rodríguez, que vive en Llugones, decidiose a demandar a la compañía depués d'una historia kakkiana que tampoco nun ye tan raro escuchala o hasta sofrila.

Ello ye qu'Iván Antonio Rodríguez. echó más d'un mes dándo-y parte al serviciu d'atención al cliente del servidor de que la velocidá de la conexón que tenía contratada baxaba enforma los díes de per selmana de les 6 y media de la tarde en p'alantre, quedando baxo mínimos hasta les tres de la mañana, mientres que sábados y domingos la baxa de velocidáyera cásique permanente . Según el denunciante, la velocidá contratada yera de 200-220 kbps, pero la velocidá quedaba bien de vegaes en 20 kbps. Nel testu de la demanda Iván Antonio Rodríguez esmenuza tolos detalles del asuntu. Esta va ser la primer demanda n'Asturies y en tol estáu contra un furnidor de conexón a la rede, pero ta cociendo un posible pleitu colectivu contra la mesma compañía