L'actu académicu pol XLI Día de les Lletres va celebrase nel Aula Magna de la Universidá

Va tener llugar el 2 d'ochobre con un aforu reducíu que nun llegará a les 30 persones.

L'Academia de la Llingua Asturiana (ALLA) caltién pal 2 d'ochobre la xunta estraordinaria pol XLI Día de les Lletres Asturianes. Sicasí, l'actu va treslladase del Teatru Campoamor a un recintu más pequeñu como prevención pola situación actual pola pandemia de COVID-19.

El llugar escoyíu ye l'Aula Magna de la Universidá d'Uviéu. L'actu, nel que Xuan Xosé Sánchez Vicente va recibir el II Premiu Nacional de Lliteratura Asturiana y que va servir tamién pa recibir a Pablo Rodríguez Medina como académicu correspondiente, va tener un aforu reducíu, afayáu a les condiciones hixénico-sanitaries anguaño imperatives.

A falta entovía de concretar los protocolos, la cantidá de persones asistentes nun superará les trés decenes.

Na semeya, l'Aula Magna de la Universidá d'Uviéu, col presidente de l'ALLA Xosé Antón González Riaño y la so predecesora nel cargu, Ana María Cano, en primer planu nun actu entamáu por Iniciativa pol Asturianu.