L´Acesol Voley sigue col so calvariu

L´Acesol Voley sofrió una nueva derrota n'Ávila dientro del calvariu que ta siendo pal equipu xixonés esta temporada. L'equipu local dominó tol partíu y en delles fases, como'l segundu set, pasaron penriba de les xixoneses. L'Acesol Voley ye un equipu rotu, que namás espera rematar la temporada col partíu que tien col A Pinguela`l sábadu que vien.

El partíu nun tuvo hestoria y nel primer set Marija Zoric y Vita Prychepa intentaron parar el xuegu de les abulenses, pero la superioridá d´éstes impúsose. Nel últimu set l´Acesol tuvo delles pingaretes de bon xuegu y destacó Daniela da Silva, pero la falta d´ambición al yá nun xugase ná, la desmoralización del descensu y la riestra de derrotes que lleven pesen como llabanes nes xugadores del equipu fabril.

Alliniaciones:

Caja Ávila: Sara Pérez, Bojana Doganjic, Luciana Marques, Inma Torres, Mónica Bahson y Brankovic. Tamién xugaron: Esther López (llíberu), Patricia Rodríguez y Lidia González.


Acesol Voley La Calzada: Estefanía Sangiao, Marija Zoric, Vita Prychepa, Daniela da Silva, Bárbara Rodríguez y Janesca Scharnovski. Tamién xugaron: Noelia Sánchez (llíberu), Noelia Franco y Cristina Pardo.


Árbitrios: José María Sánchez y Rubín Martín (Castilla-León).