L’Academia sofita la manifestación del sábadu

L'anuncia de l'ALLA lleida por Carlos Lastra, na que se fai esplícitu'l sofitu al manifestación y
se-y desea suerte a la iniciativa foi la mayor novedá na presentación d'una manifestación pa
que yá se conocen tolos detalles. Según esplicó Xulio Casado, la organización, anque nun se marca un oxetivu concretu nel númberu de manifestantes, cuenta con llevar a miles de persones peles casi d'Uviéu nuna marcha pacífica que va salir a les 12 y media de la mañana de la estación de RENFE n'Uviéu pa rematar na Plaza de la Catedral.


Na presentación de la manifestación Casado definió al Conceyu Abiertu énte los medios presentes como una plataforma "de mínimos" na que participen agora mesmo de más de 100 organizaciones de tou ámbitu col oxetivu únicu de conseguir la oficialidá del asturianu na reforma del estatutu d'autonomía. Xunta les firmesde colectivos y organizaciones, Casado dio un resume de les firmes individuales más importantes d'intelectuales, artistes, deportistes y persones relevantes na sociedá asturiana que tamién sofiten el manifiestu, incluyendo, como yá adelantare ayeri Asturies.com, les de los ciclistes Chechu Rubiera y Benjamín Noval, el cantante Victor Manuel San José , la escritora Carmen Gómez Ojea o el presidente del Real Uviéu Manuel Lafuente.

Casado sorrayó que la convocatoria que fai'l Conceyu Abiertu nun ha rellacionase cola presencia de cartelos convocando a la manifestación esi mesmu día y a la mesma hora cola firma de la organización "Ensame pa la Oficialidá" que dixo que nun representa al CAO.