L'Academia entama los cursos de Branu

L'Academia de la Llingua entama güei n'Ibias los tradicionales Cursos de Branu, que se celebren na escuela "Aurelio Menéndez" de Santantolín d'Ibias.

La Presidenta de L'Academia de Llingua, Ana Cano;
la Vicerectora d'Estensión Universitaria Isabel Carrera, l'Alcaldesa de
Ibias, Nélida Barrero, y el Director de los Cursos, Xosé Antón González
Riaño ficieron güei l'actu oficial d'inauguración, al que tamién asistió'l Conseyeru d'educación José Luis Iglesias Riopedre.

Los cursos que se faen nesta edición son el X Cursu Elemental de
Llingua Asturiana, el VII Cursu Avanzáu de Llingua Asturiana, y los XIV Cursos de
d' Afondamientu Cultural y Llingüísticu, cursos más curtios que traten caún d'un tema específicu.

Esti añu van dase dientro d'esta estaya'l cursu de Capacitación pa la Traducción al Asturianu, Nuevos plantegamientos didáuticos pa la enseñanza de la Llingua Asturiana na Educación Primaria, Nuevos plantegamientos didáuticos pa la enseñanza de la Llingua Asturiana na Educación Secundaria , y Otros xuegos y tradiciones populares na enseñanza. Per otra parte, esti añu faise'l segundu Cursu de Gallego-Asturianu, con 60 hores lectives.