L’Academia de la Música entrega esta nueche los sos premios

L'Academia de la Música entrega esta nueche los sos premios nuna gala que va tresmitise en directo pela segunda canal de TVE dende les 22:30h

"Agora sal a bailar" tema enxertu nel primer discuen solitario del cantante de Nuberu Chus Pedro, "Sangre d'Ochobre" del grupu folk mierense Skanda y "La Pola de Siero" del cantante de Sotu'l Barcu Vicente Díaz compiten pol títulu al meyor cantar n'asturianu, mientres qu'otros músicos asturianos son candidatos n'otres categoríes, casos de Ramón Prada, finalista na categoría de "Meyor álbum de músiques nueves" col so discu "Veinte canciones de amor y un poema desesperado" y del grupu Mala Reputación, que compiten col so discu "A x ellos" na sección de "Meyor álbum de rock alternativu".

A la gala d'entrega de los premios va asistir el conseyeru de rellaciones esteriores Javier Valledor, que va facer primero un alcuentru colos artistes asturianos nominaos. Pelaso parte, el presidente asturianu Vicente Álavarez Areces va tener tamién una nueche musical, anque'l xefe del executivu va tar na "Gala del Folclore Cántabro".