L’Academia de la Llingua posiciónase nel casu de Catuxa Bermeyu

L'Academia de la llingua posicionóse nel casu de Catuxa Bermeyu, la estudiante de secundaria que nun tien derechu a recibir clas d'asturianu al traviés d'un comunicáu nel que la institución rellaciona'l casu de Catuxa cola situación xeneral que se vive nel entamu del cursu.

L'Academia sorraya'l fechu de que'l derechu a recibir clases de Llingua Asturiana nel propiu centru d'adscripción encóntase nel mesmu drechu constitucional a la igualdá y a la educación, amás de nes disposiciones llegales calteníes na Llei d'Usu del Asturianu, aprobada pola Xunta Xeneral del Principáu d'Asturies de 1998. L'Alla sorraya'l calter de "irrenunciable" d'esti derechu y entiende qu'ello nun pue tar, de nengún mou, "suxeto a negociación".

L'Academia de la Llingua entiende que ye "segregación inalmisible nuna sociedá democrática" facer cambeos de centru o de grupu por escoyer esta opción

Finalmente, l'Academia dizser sabedora d'otros incumplimientos de la llegalidá vixente na escolarización del asturianu en Secundaria, enenchando les acusaciones feches pola Xunta Pola Defensa de la Llingua esti miércoles. Si la organización cívica sorrayaba'l fechu de que munchos centros de secundaria nun poníen asturianu ente les opciones que s'ufierten nos impresos de matrícula, l'Alla carga l'acusación sobre la falta de profesoráu nos centros.

El comunicáu remata diciendo que oficialidá ye pa l'Alla la única salida a la situación d'arrequexamientu del idioma nel sistema educativu, y, nesti sentíu, adelanta que l'Alla va facer d'equí a poco, un posicionamientu públicu sobre como ve la institución que tendria d'esplicitase la oficialidá nel estatutu y les lleis que tendríen de desarrollala